FRÉTTIR
Styrkur útfjólublárrar geislunar hækkar með hækkandi sól
Nú er kominn sá árstími þegar Íslendingar þurfa að gæta þess að brenna ekki á sólríkum dögum þar sem að styrkur útfjólublárrar geislunar hækkar með hækkandi sól. Undanfarna daga hefur styrkur útfjólublárrar geislunar (UV-stuðull) á Íslandi farið upp fyrir 3 og gera má ráð fyrir áframhaldandi hækkun, m.a. á sumardaginn fyrsta sem að Veðurstofan spáir að verði sólríkur þetta árið. Sé UV-stuðullinn 3 eða hærri þá er þörf á sólarvörn. Sé stuðullinn 2 eða hærri þá getur verið þörf á sólarvörn ef verið er lengi úti í sólinni eða ef um viðkvæma húð er ræða.
Varað við notkun leysihanska
Geislavörnum ríkisins hafa borist ábendingar um notkun á svokölluðum leysihönskum. Leysihanskarnir sem stofnunin hefur fengið upplýsingar um eru með leysa í flokki 3B, eru því í hópi öflugra leysa og hafa nægilegt afl til að valda augnskaða með beinni geislun í auga og með endurvarpi af gljáandi fleti. Leysar í þessum flokki eru hættulegir augum.
Vel sótt námskeið
Nýlega var haldið námskeið um geislavarnir fyrir ábyrgðarmenn og tæknimenn sem koma að notkun, uppsetningu og viðgerðum skermaðra röntgentækja við öryggisgæslu og í iðnaði. Næsta námskeið á vegum Geislavarna er fyrir tæknimenn og ábyrgðarmenn vegna röntgentækja sem notuð eru í læknisfræði og verður haldið 2. apríl næstkomandi.
IAEA gefur ráð um förgun geislavirkra efna
Fyrir stuttu komu til landsins tveir sérfræðingar frá IAEA sem hafa langa reynslu af ráðgjöf og aðstoð við undirbúning og framkvæmd förgunar á geislavirkum efnum eins og þeim sem bíða förgunar hjá LSH.
